बाबुराम मृत्यु प्रकरणः कांग्रेस र महिला संघद्वारा छानबिन र क्षतिपूर्ति माग

बाबुराम मृत्यु प्रकरणः कांग्रेस र महिला संघद्वारा छानबिन र क्षतिपूर्ति माग

A+ A A-

गत आइतबार कोरोना विशेष अस्थायी अस्पताल बुटवलमा मृत्यु भएका सैनामैनाका बुटवल, २० चैतको उपचारमा लापरबाही भएको भन्दै नेपाली कांग्रेस नगर समितिले घटनाको निश्पक्ष छानबिन र पीडित परिवारलाई क्षतिपूर्ति दिन माग गरेको छ ।

ज्वरो आएर अस्पताल गएका बिरामीले कोरोना भाइरस संक्रमणकै नाममा उपचार नपाएर ज्यान गुमाउनु निन्दनीय रहेको भन्दै कांग्रेस नगर सभापति खेलराज पाण्डेले घटनाको निश्पक्ष छानबिन गरी पीडित परिवारलाइ क्षतिपूर्तिको व्यवस्था गर्न माग गरेका हुन् । नगर सभापति पाण्डेले कोरोनाविरुद्धको लडाइमा कांग्रेसको पूर्ण साथ रहेको भन्दै राहत वितरणमा अनियमिता हुन नदिन सर्वदलीय बैठकबाट नाम सिफारिस गर्ने व्यवस्था गर्न पनि माग गरेका छन् ।

राहत वितरणमै अनियमितता र भेदभाव हुने गरेका गुनासा आइरहेकाले त्यसलाइ पारदर्सी बनाउनु पर्नेमा कांग्रेस बुटवल नगर समितिको जोड छ । रोजगारीका लागि भारत गएकालाई संकटकै घडीमा आफ्नो देश फर्कनबाट रोक्नु अमानवीय कार्य भएको भन्दै उनीहरूलाई तत्काल उद्धार गरी आफ्नै देशका क्वारेन्टाइनमा राख्नुपर्ने माग पनि गरीएको छ ।

यसैबीच नेपाल महिला संघ रुपन्देहीले बाबुराम मृत्यु प्रकरणको छानबिन गरी पीडित परिवारलाई क्षतिपूर्तिको माग गरेको छ । महिला संघका सभापति गंगा शाहीद्वारा जारी विज्ञप्तिमा कोरोना रिपोर्ट नेगेटिभ देखिएपछि उक्त अस्पालमा चार दिनसम्म किन उपचार नगरी बिरामी राखियो भन्ने प्रश्न गम्भीर उब्जिएको भन्दै छानबिनको माग गरिएको हो । आर्थिक अवस्था कमजोर रहेको परिवारले अभिभावक गुमाउँदा श्रीमती र नाबालक छोराको बिचल्ली भएकाले सम्बन्धित निकाय र सरकार जिम्मेबार हुनु पर्नेमा जोड दिइएको छ ।

प्रकाशित मिति: बिहीबार, चैत २०, २०७६ १८:०१