आज दिनभर : कांग्रेस कार्यालय बन्यो रणमैदान, नेकपामा झाङ्गिए गुट

A+ A A-

आज १३ माघका नेपाली मिडयामा कांग्रेस भ्रातृस‌ंगठनमा रहेको विवादका कारण कांग्रेस कार्यालय रणमैदान बनेकाे खबरले प्राथमिकता पायो भने नवनिर्वाचित सभामुख अग्नि सापकोटाले कार्यभार सम्हालेसँगै दिएको अभिव्यक्ति पनि आजका मिडियाको विषय बन्यो ।

यसका अतिरिक्त सभामुख सापकोटाविरुद्धको मुद्दाको सुनुवाइ, कोरोना भाइरस, आस्था राउत प्रकरण पनि आजका मिडियाका विषय बनेका छन् ।

...

नेपाल विद्यार्थी संघ (नेविसंघ)मा ३२ वर्षमुनिलाई नेतृत्व दिनुपर्ने माग गर्दै रिले अनसनमा बसेका कुन्दराज काफ्ने नेतृत्वको समूहमाथि नेविसंघ काठमाडौंका अध्यक्ष मनोज वैद्य समूहले आक्रमण गरेपछि कांग्रेस मुख्यालय तनावग्रस्त बनेको छ ।

अनसनमा बसेका नेविसंघका नेतामाथि वैद्य समूहले आक्रमण गरेपछि अनसनकारी थुप्रै नो घाइते भएका छन् ।

...

सभामुख अग्नि सापकोटाविरुद्ध दायर रिटमा सर्वोच्च अदालतले सुनुवाइ सुरु गरेको छ । अधिवक्ता दिनेश त्रिपाठीले सापकोटामाथि हत्या अभियोग लागेको र सो हत्या प्रकरणमा उनीमाथि सर्वोच्च अदालतमा रिटसमेत दायर भएको अवस्थामा सभामुख बनाउन नमिल्ने र सभामुखमा काम गर्न नदिन अन्तरिम आदेश माग गर्दै रिट दायर गरेका छन् ।

...

विद्यालय शिक्षाको राष्ट्रिय पाठ्यक्रम प्रारूप २०७६ आइतबार सार्वजनिक भयो । आगामी शैक्षिकसत्रदेखि लागू हुने पाठ्यक्रम कक्षा १ देखि १२ सम्मको पाठ्यक्रमको प्रारूप पाठ्यक्रम विकास केन्द्र सानोठिमी भक्तपुरले सार्वजनिक गरेको हो ।

सरोकारवाला व्यक्तिहरूले प्रारूप सार्वजनिक नभएको भन्दै विरोध गरेपछि पाठ्यक्रम केन्द्रले प्रारूप सार्वजनिक गरेको हो ।

...

तत्कालीन नेकपा एमाले र माओवादी केन्द्रबीच एकता भएर ३ जेठ २०७५ मा नेपाल कम्युनिस्ट पार्टी (नेकपा) बनेको हो । यो पार्टी बन्दै गुटसहित बनेको थियो । २ पार्टी एकता भएपछि पनि ती गुटहरू झनै झाङ्गिएका छन् ।

...

सधैं हँसिलो अनुहारमा देखिने ओली शपथग्रहण समारोहभर एकपटक पनि मुस्कुराएनन् ।हुन त उनी अचेल अस्वस्थताका कारण हम्मेसी कार्यक्रममा सहभागी पनि हुँदैनन् । आज सभामुखको शपथग्रहणमा भने उनको अनुहार पत्याउनै नसक्ने गरी बिग्रिएको देखिन्थ्यो ।

...

कतिपय देश जाने नेपाली कामदारको संख्या न्यून छ । यतिसम्म कि एउटा देशमा वार्षिक एक जना जाने गरेको विभागको तथ्यांकमा उल्लेख छ ।

आर्थिक वर्ष २०७५/०७६ मा ५ लाख ८ हजार नेपाली श्रमिक रोजगारीको खोजीमा विभिन्न देश पुगेका वैदेशिक रोजगार विभागको तथ्यांकमा उल्लेख छ । नेपाली युवाहरुको मुख्य रोजगार गन्तव्य देशभित्र खाडीका देश, मलेसिया र युरोपका देश पर्छन् ।

...

विदेशमा उमेशलाई अदालतबाट मृत्युदण्डको सजाय सुनाइएकाले माया मारिसकेको श्रीमान्‌लाई पुनः आफ्नै साथमा पाउँदा श्रीमती सञ्जु त झन् भावविह्वल बनिन् । आँखाबाट खुुसीको आँसुका धारा बगाउँदै दुवै जना निकै बेरसम्म अँगालोमा बाँधिइरहे ।

...

काठमाडौं विश्वविद्यालय (केयू)मा ताला लगाउने प्राध्यापक र कर्मचारीलाई प्रधानन्त्री केपी ओलीले विश्वविद्यालयमा राजनीति नगर्न चेतावनी दिएका छन् । सोमबार बालुवाटारमा केयूको विशेष सभालाई सम्बोधन गर्दै प्रधानमन्त्री ओलीले विश्वविद्यालयमा राजनीति गर्ने प्राध्यापक नै नहुने बताए ।

...

चीनमा फैलिएको कोरोना भाइरसको प्रभाव नेपालमा पर्न नदिन सरकारले उच्च सतर्कता अपनाउन निर्देशन दिएको छ । प्रधानमन्त्री केपी शर्मा ओलीको निर्देशनपछि सोमबार संस्कृति, पर्यटन तथा नागरिक उड्डयन मन्त्रालयले सरोकारवाला निकायलाई १२ बुँदे निर्देशन दिएको हो ।

...

प्रहरीले गायिका आस्था राउतलाई ४ दिन हिरासतमा राख्ने अनुमति पाएको छ । आजै छोड्ने तयारी गरेको प्रहरीले अन्तत: प्रहरीलाई गाली गरेको अभियोगमा आस्थामाथि अनुसन्धान गर्न जिल्ला प्रशासन कार्यालयबाट ४ दिनको अनुमति पाएको महानगरीय प्रहरी परिसर काठमाडौंका प्रवक्ता प्रहरी नायव उपरीक्षक (डीएसपी) होवीन्द्र बोगटीले जानकारी दिए ।

प्रकाशित मिति: सोमबार, माघ १३, २०७६ १९:४०