१३औं सागका लागि पुरुष तथा महिला क्रिकेट टिमको घोषणा

A+ A A-

नेपालमा आयोजना हुन लागेको १३औं दक्षिण एसियाली खेलकुद (साग) का लागि पुरुष तथा महिला क्रिकेट टिमको घोषणा गरिएको छ । पुरूष टिमका मुख्य प्रशिक्षक उमेश पट्वाल तथा महिला टिमका मुख्य प्रशिक्षक जगत टमाटाले टिमकाे घाेषणा गरेका थिए ।

१५ मंसिरदेखि २४ मंसिरसम्म चल्ने प्रतियोगिताका लागि २० जना खेलाडी बन्द प्रशिक्षणमा सहभागी थिए । जसमध्ये १५ जना खेलाडी छनोट भएका छन् भने थप ३ जना वैकल्पिकमा समावेश भएका छन् ।

खेलाडी छनोटका लागि विभिन्न मापदण्डलाई आधार बनाइएको थियो । बन्द प्रशिक्षण तथा विगतका अन्तर्राष्ट्रिय प्रतियोगितामा गरेको प्रदर्शन, फिटनेस, अनुशासन तथा खेलाडीको व्यक्तिगत आचरणका आधारमा खेलाडी छनोट गरिएको हो ।

भारत र पाकिस्तानले क्रिकेटमा सहभागीता जनाएका छैनन् भने अन्य टेस्ट मान्यता प्राप्त टिमले यु-२३ टिम सहभागी गराउने छन् ।

कोको परे पुरुष टिममा ?

ज्ञानेन्द्र मल्ल (कप्तान)
दीपेन्द्रसिंह ऐरी (उपकप्तान)
पारस खड्का
करण केसी
सोमपाल कामी
सन्दीप लामिछाने
विनोद भण्डारी
अविनाश बोहरा
सुशन भारी
कुशल भुर्तेल
सुन्दीप जोरा
मोहम्मद आरिफ शेख
पवन सर्राफ
ललितनारायण राजवंशी
रसिद खान

वैकल्पिक खेलाडी:

रोहितकुमार पौडेल
भिम सार्की
सागर ढकाल

यस्तो छ महिला टिम

रुबिना क्षेत्री बेलबासे (कप्तान)
सिता रानामगर (उपकप्तान)
इन्दु वर्मा
काजल श्रेष्ठ (विकेटकिपर)
करुणा भण्डारी
आसरी वेगम
सोनु खड्का
सरस्वती चौधरी
ममता चौधरी
अञ्जली चन्द
सरिता मगर
शान्ती खतिवडा
रोमा थापा
डली भट्ट
कविता कुँवर