भोलिदेखि जगदम्बा मोटर्सको टिभिएस सुपर एक्सेञ्ज फाइनान्स फेयर

A+ A A-

नेपालको लागि टिभिएस टू ह्वीलर्सको आधिकारिक वितरक जगदम्बा मोटर्सले फाइनान्स मेला ‘टिभिएस एक्सेञ्जएण्डफाइनान्स फेयर’को आयोजना गर्ने भएको छ ।

१ कात्तिकदेखि ५ कात्तिकसम्म भृकुटीमण्डप, काठमाडौंमा संचालन हुने यो मेलाको प्रमुख आकर्षण नै ग्राहकहरुले ३० प्रतिशत डाउन पेमेन्टको उत्कृष्ट फाइनान्स सुविधा, एक्स्चेञ्जमा थप १० हजार रुपैयाँ मुल्यांकनजस्ता उत्कृष्ट अफरहरु रहने कम्पनीले जानकारी दियो ।

कम्पनीका अनुसार मेलाको अन्य आकर्षणहरुमा शून्य प्रतिशत ब्याजमा विशेष फाइनान्स योजना र साथमा विभिन्न उपहारहरु हेलमेट, बाइक कभर र ब्याग पनि रहेका छन् ।

कुनै पनि पुरानो मोटरसाइकल वा स्कूटरको बदलामा टिभिएस को नयाँ मोटरसाइकल वा स्कुटर साट्न सकिने यो योजनाले टिभिएससँग नाता जोड्न चाहने नयाँ ग्राहकहरुलाई सुनौलो अवसर प्रदान गर्नुका साथै पुराना टिभिएस ग्राहकले आफ्नो बाइकको स्तरोन्नति गर्ने मौका पाउने छन् ।

‘हामीले यतिखेर ग्राहकमाझ टिभीएस दशैंको दौड जस्तो पहिले नभएको विशेष अफर पेश गरिरहेका छौं, यो योजनाप्रति ग्राहकहरुको झुकावले हामीलाई थप हौसला मिलेको छ । सोही अफरकै एक हिस्सा स्वरुप यो एक्स्चेञ्ज फेयर आयोजना गरेका छौं । यो फेयरले ग्राहकहरुलाई टिभिएससँग अझ नजिक बनाउने विश्वास हाम्रो रहेको छ,’ जगदम्बा मोटर्सका प्रबन्ध निर्देशक शाहिल अग्रवालले भने ।

ग्राहकले ‘टिभिएस दशैंको दौड’ योजना अन्तर्गत बाइक नकिन्दा नै १ लाखसम्म नगद जित्न सक्नेछन् भनें किन्दा १०० प्र्रतिशत नै नगद फिर्ता पाउन पनि सक्नेछन् । साथमा अन्य आकर्षक उपहारहरु पनि यस योजनामा प्राप्त गर्न सकिन्छ ।

टिभीएसले ग्राहकलाई पैसाको उत्कृष्ट मुल्य र सेवाहरु जस्तैंः ५ वर्षको वारेन्टी, स्थलगत एक्स्चेञ्ज, स्थलगत फाइनान्स र अन्य धेरै सुविधा प्रदान गर्दै आएको छ । देशभर सयभन्दा बढी डिलरहरुको सञ्जालमार्फत् आफ्ना ग्राहकको मुहारमा मुस्कान फैलाउन टिभीएसले आफ्ना दक्ष र तालिम प्राप्त जनशक्ति परिचालन गर्दै आएको छ ।

प्रकाशित मिति: बिहीबार, असोज ३०, २०७६ १९:०२